FRAGUAS Viaxe á tradición de Galiza

 http://redepatrimonio.gal/wp-content/uploads/2019/05/antonio_fraguas_rede_patrimonio.pdf

"Cándido" de Voltaire

 O "Cándido" de Voltaire é o libro que escolleron as persoas que fan parte do noso Clube de Lectura.
A reunión será o luns 27 de maio.

Cándido é a obra máis universal de Voltaire (...) impresionado polo terremoto de Lisboa de 1775, Voltaire indígnase contra os filósofos que queren demostrar que todo é para ben e que vivimos no mellor dos munoos posibles. A súa indignación fermentou en escepticismo e ironía. (Josep Ramoneda, Leccións de Literatura Universal) . Cándido no medio dun torbeliño de personaxes e aventuras, atopa a súa unidade na ridiculización do sistema filosófico de Leibnitz. (..,) o refrán do conto «todo é óptimo no mellor dos mundos posibles)) é unha distorsión que acentúa aínda máis a pregunta de cándido: ``se este é o mellor dos mundos posibles, ¿cómo serán daquela os demais?´´ (...) Cándido é un torbeliño de aventuras, un tolo correr que plasma na súa veloz evocación o absurdo dun mundo cheo de violencia, de arbitrariedade, de inxustiza (Elena Diego, Introducción a Cándido). Voltaire acometerá a reconstrucción dun discurso ortodoxamente irónico no seu relato máis sonado Cándido ou o optimismo (...). O optimismo reside no feito de atopar acertadamente o espacio onde establecernos. Resolver onde existir eríxese como clave para saber como existir (...). O personaxe, que cre provir dun paraíso, inserirase vagarosamente nun antiparaíso, onde o lector, bastante distanciado polos mecanismos irónicos de Voltaire, sabe que os valores representados por Cándido son só valores para o Cándido Cándido (Javier del Prado, historia da Literatura Francesa).

Seguimos coa PRIMAVERA CULTURAL 2019

A Comuna do Barruzo

Luns 6 de maio de 2019

19:30 horas

Salón de usos múltiples do Concello de Viveiro

A COMUNA DEL BARRUZO.

Primeiro disco -libro en galego-asturiano para nenas, nenos e adultos que ainda o son.

Dirección artística e composicións:Ugia Pedreira

Producción musical, grabación, mistura e composicións:  Pierrot Rougier.

Ilustracións:Mónica Justo.

Colaboradores: Rosa Cedrón ( cello), Quim Farinha (violinos), Chus Diaz (sitar), Marina Oural (declamación)

Idea orixen e productora executiva: Mialmaproduciois Creativas.

Editorial:Noente Paradise (aCentral Folque)

Maquetación: Ricardo Cabanelas.

Masterización: Estudios Abrigueiro.

Este disco libro situase e inspirase no territorio Eo-Navia no Occidente asturiano, lugar onde moran os habitantes da Comuna del Barruzo e os seres que a protexen. O disco libro consta de 10 cancións escritas en galegoasturiano , unhas,  de poetas da zona como Héctor Acebo, Quique Roxíos, Belén Rico e Arturo Alvarez e as outras autorias son do bretón amigo da Comuna Nicolás Kervazo, de Ugia Pedreira e Pierrot Rougier, estes últimos cantores e compositores das músicas. Unha obra concebida entre as cosmovisións de bretons, galegas e astures. É a COMUNA DEL BARRUZO unha oda á ruralidade como fonte auténtica fonte de recursos para a supervivencia, unha alabanza á natureza e polo tanto o seu máximo respeto e coidado, unha apoloxía dos contrastes e diferencias. É a confirmación da riqueza de imaxinario, hipoteses, patrimonio material e inmaterial que xera unha zona de tránsito, de fronteira como o territorio entre estos dous rios, Eo-Navia. Este libro disco aporta un traballo de alta calidade para abrir unidades didácticas pedagoxicas no ensino do galego-asturiano e para constatar a importancia que ten a Arte achegada ao territorio como columna vertebral duma comunidade que se respeta, que se coida e se desenvolve nel.

Cada cantiga vai identificada con un Ser Máxico que protexe a quen mora na Comuna del Barruzo e son responsabeis de manter unha serie de valores necesarios para a boa convivencia.

A Nena Pisquela _ A Isla dos Ventos_ Nayundes_ Irmá Florita_ A toba_ Natura_ O ser das Ervas_ O dicotín_ Gargallú_ A Encantada.

Os valores da Comuna del Barruzo rexense por estes baremos: a ecologia como hàbito/ a creatividade como saude / a curiosidade e a variación son motores da intelixencia / a non exclusión de ningún ser dentro das linaxes / o aproveitamento do natural sen manipulación / o soños como información valiosa de futuro/ o xogo como pilar de relacionamento / a proximidade de recursos materiais e inmaterias como sustentabilidade/ aceptación de todas as emocións como informativas para mellorar a sua xestión / emponderamento da imaxinación e consentimento dos páxaros na cabeza / tolerancia co aburrimento para verse desde fora e dentro / o cambio como poder transformador / a improvisación como compañeira de camiños

   Os ritmos das canciois van desde pop-rock a orquestaciois máis clásicas de musica de cámara, a concepciois mais étnicas, detalles de folk galegoastur, bretón, gaélico, da India, sons que recordan debuxos de Miyasaki, tedes un reegee, ou rag-time, todas as músicas creadas para ser bailabeis carregadas de detalles, de reminiscencias do pop-rock internacional. A Comuna del Barruzo aposta pola expresión do movemento como manifestación de vida e polo tanto de  aprendizaxe.

   A modo pedagóxico cada letra leva indicado a variedade instrumental que se interpreta para traballar a sua identificación na escola, na casa onde quixerades, creandose asi paisaxes sonoras diferentes adaptados a temática e ao Ser máxico, atoparedes desde cromorno antigo, guitarras diferentes, sitar, cello, flautas, mandolinas, panderetas, caixon, pandeiros, violinos, silvos, carraca, sintetizadores, samples…

   As letras e poemas apelan a determinados pontos da comarca en contexto co contexto social mundial, seguen unha liña de humor e firmeza “sen infantilizar” o discurso e incentivando á pregunta e cuestionamento como camiño posibel.

Facebook, youtube , cachín clip:

https://www.facebook.com/A-Comuna-del-Barruzo-336208387123728/?modal=admin_to

https://www.youtube.com/channel/UCNVFfQtX8odeLy8cimLX-BA

A primeira das actividades da Primavera Cultural 2019

A sala da planta baixa da Biblioteca Municipal de Viveiro, ateigada de veciñanza, foi o local onde se desenvolveu a primeira das actividades da Primavera Cultural 2019. O noso Colectivo organizou, xunto coa Asociación Mariña Patrimonio, a conferencia O sistema defensivo litoral no Cantábrico galego. Séculos XVII-XVIII. O caso de Viveiro e Celeiro que foi impartida polo historiador Xosé M. Leal Bóveda.
O historiador, que hai anos imparteu aulas no Instituto Irmáns Vilar Ponte de Viveiro e que agora  traballa como investigador externo da USC, mantivo o interese das moitas persoas que seguiron este acto divulgativo  arredor do noso Patrimonio.
Desde o noso Colectivo damos as grazas a Xosé M. Leal e agardamos que agora o Concello de Viveiro tome nota e protexa os restos das Baterías de Celeiro e Covas tal e como propuxo a Asociación Mariña Patrimonio.

O Clube de Lectura inicia as súas actividades

As Baterías costeiras na Ría de Viveiro

CONFERENCIA SOBRE AS BATERÍAS COSTEIRAS DE 

VIVEIRO A CARGO DO HISTORIADOR XOSÉ MARÍA 

LEAL

A actividade, organizada polo colectivo Pensamento e Sementeira 

e maila a asociación Mariña Patrimonio, terá lugar o xoves 25 de 

abril en Viveiro.

O historiador Xosé María Leal Bóveda impartirá a conferencia O 

sistema defensivo litoral no Cantábrico galego. Séculos XVII-

XVIII. O caso de Viveiro- Celeiro na sala da planta baixa da 

Biblioteca Municipal de Viveiro.

O acto, que comezará ás 20h.00, conta coa colaboración do 

Concello de Viveiro e ten como finalidade dar a coñecer as baterías 

costeiras de San Xoán e de Celeiro. Estes bens culturais, malia a 

súa importancia, son unas grandes descoñecidas do patrimonio de 

Viveiro e non contan na actualidade con ningún tipo de protección.

PRIMAVERA CULTURAL 2019

O  noso colectivo está a programar a “Primavera Cultural 2019”.

A primeira das actividades, o 25 de abril, estará organizada en 

colaboración coa asociación Mariña Patrimonio e consistirá nunha 

charla do profesor Xosé María Leal Bóveda que dará a coñecer os 

postos de vixilancia que existiron na Ría de Viveiro.

Tamén en abril, o 29, darán comenzó as actividades do Clube de 

Lectura que nace agora dentro deste colectivo. A obra escollida 

para esta ocasión é “Charamuscas” de Suso Lista. Nesta primeira 

sesión do Clube participará tamén o escritor que  no mes de 

decembro pasado, presentou a súa obra en Viveiro.

Xa en maio e dentro desta mesma programación, vai ser 

presentado o proxecto musical e artístico “A Comuna do Barruzo” 

por Ugia Pedreira e Abel Pérez.

O colectivo Pensamento e Sementeira concretará nos vindeiros 

días outras actividades que farán parte desta “Primavera Cultural 

2019”, como unha camiñada polo Rego dos Curuxos, no Viveiró 

(Muras) ou unha palestra arredor do activismo cultural na Mariña.

Pensamento e Sementeira está a organizar tamén actividades para 

conmemorar  no mes der outubro o 150 aniversario do nacemento 

do poeta Antonio Noriega Varela (1869-1947).

Nace un Clube de Lectura

O vindeiro luns 29 de abril manteremos a primeira das actividades do Clube de Lectura do noso Colectivo.

O libro que escollimos para dar comezo é "Charamuscas" de Suso Lista, un libro que xa foi presentado en Viveiro en decembro do pasado ano e do que o crítico Ramón Nicolás en La Voz de Galicia di que son:

"Historias erixidas con palabras cheas de salitre que agroman na fin da terra: ese lugar onde o mar e mais os barcos «forman parte dos nosos corpos e das nosas vidas». Relatos que valen para ese universo mais tamén para o mundo todo e que nos fan sentir felices por gozalas e valoralas".


Nesta primeira actividade do Clube de Lectura participará o autor do libro Suso Lista.

Así que xa o sabedes. De vos interesar participar esta actividade, poñédevos en contacto antes do 15 deste mes de abril co Colectivo (pensamentoesementeira@gmail.com) ou persoalmente coas persoas asociadas que van coordenar este Clube: Laura Fernández e Roberto Zueros.

Seguimos

Despois de celebrada a nosa Asemblea informamos a todas as persoas interesadas nas nosas actividades que o Colectivo está a constituir un Clube de Lectura en Viveiro.
As persoas interesadas en participa nesta nova actividade poden contactar cos coordenadores ( Roberto e Laura ) no seguinte enderezo electrónico:

pensamentoesementeira@gmail.com

Ademais desta nova actividade a Asemblea decidiu programar:

-Ciclos de cine
-Exposicións
-Mesas Informativas e Debates
-Camiñadas e excursións
-..e máis cousas das que xa vos iremos informando.

Para o 2019...

E para rematar o ano : Tris Tras

Así foi

Abella Albo gravou a actuación do Coro da Mariña. Aquí vola deixamos.
Grazas Xosé Antonio.

..e David Bellas como músico convidado

Este xoves 29 de novembro, no segundo xoves musical deste Outono Cultural 2018, actuará o Coro da Mariña e tamén  David Bellas que colabora como músico convidado neste concerto.
Será ás 20:30 horas, no Teatro Pastor Díaz.

Pierrot Rougier e Ugia Pedreira codirixen O Coro da Mariña

Como se formou o Coro da Mariña?

Reproducimos aquí un texto publicado en otubro de 2015, cando a Asociación Veciñal O Cantal de Rinlo, contando coa colaboración da Oficina Galega doutros Asuntos do Movemento, buscaban voces para este Coro:

"A compositora e cantora Ugia Pedreira xunto co artista bretón Pierrot Rougier e sua picariña Lua Avel chegaron ao característico pobo de Rinlo e ali falaronlles do desaparecido coro rinlego. Foi entón que amizades da Mariña próximas aos artistas apuxaronnos e animaronnos à idea de que fosen eles quenes promoveran un coro diferente e mixto parar a comarca e occidente de Asturies.        

Recollendo diversos pareceres puxeronse maos a obra, e desde o bon facer e entender da As. O Cantal de Veciños de Rinlo é agora que se abre  a convocatoria de voces para o futuro Coro da Mariña que terá como local de xuntanza  a Escola Vella de Rinlo, a antiga escola indiana.  

Faise pois unha chamada pública a quenes queiran animarse a cantar en grupo, xente com ou sen formación musical, profesionais e amadores, xente de 14 a cento e pico de anos que queiran compartir esta aventura artística carregada de paixon e esencia da zona, xente com distintos gostos musicais. Persoas unidas polo gosto de cantar en colectivo e criar un espazo conxunto para desfrutar da saúde que produce O Cantar. O Coro da Mariña é un espazo heterogeneo, un espazo de diversidade para todos os  mariñaos e mariñanas que atencionará aos gostos eclécticos, as capacidades de cada quen e as necesidades individuais. 

A temática do coro terá como fio conducto O mar, a sua poética e  sua cultura, harmonias e melodias que  teñan o mar como fonte de inspiración. Cancións de todos os estilos musicais que sexa do gosto dos integrantes. Desde pop-rock, música popular daqui, do mundo... Cancións en calquer idioma que sexa aceptado polos integrantes podendo dar lugar a traducción cando conveña.  Repertorio variado non suxeito exclusivamente a partitura; técnica, arranxos vocais múltiples, atención á expresividade corporal, á interpretación,  aos xogos vocais ...serán dinámicas a vivir xuntos cantando.  Calquer canción é en principio óptima  para ser arranxada a voces  por Pierrot Rougier e guiada pola técnica e experiencia escénica da Pedreira. Esta idea de coro expansivo como as ondas, adicado ao Mar é única e orixinal pola matriz do seu nascimento, dous artistas que queren viver na sua comarca desde o que son e podem dar e aportar en transparencia á sua comunidade.  Polo tanto, causalmente aunanse como esencia e recordo a imaxe dos festivais de cantos de mariñeiros que ten Bretagne (diferentes pobos bretóns tán “hermanados” com diferentes lugares da Mariña) e que ten Galiza nas suas tabernas e nas suas músicas portuarias, dando forma a un coro mariñeiro único desde o norte da Mariña, mar por medio."

Arredor do Coro da Mariña

Para coñecer algo máis do Coro da Mariña que vai actuar o vindeiro xoves 29 de novembro no Teatro Pastor Díaz, facendo parte do Outono Cultural 2018 programado polo noso Colectivo, reproducimos unha parte da entrevista realizada por Ramón González Rey no xornaldamarina.com,   o 30 de maio pasado, a Ugia Pedreira, co-directora desta formación musical

"A artista de Vilaronte dirixe o Coro da Mariña, que reúne 30 vocalistas desde Viveiro ata Vegadeo"

Natural da aldea focega de Vilaronte, Ugía Pedreira é unha das vocalistas e autoras máis personais da música popular galega coa súa achega a Chouteira, Nordestinas ou Marful. A artista voltou á comarca coa súa familia e desde hai dous anos dirixe o Coro da Mariña, que xunta 30 cantantes desde Viveiro ata Vegadeo.

P. Como xurdiu o Coro da Mariña?

R. Regresei á Mariña co meu compañeiro, o músico Pierrot Rougier, e coa nosa nena Lua Awel. Vivimos durante una temporada en Rinlo e alí coñecín a belísima escola vella. Unha veciña, Laura, faloume do abandonado reloxio Canseco e de como xurdiu este edificio emblemático de Rinlo. Daquela soubemos que no pobo houbera un coro e foi como un sinal: por que non montar unha formación representativa da costa luguesa e occidente astur, que compartimos a mesma “nube gris” e o mesmo horizonte con prados que caen no mar.

Hai integrantes de case todos os puntos da bisbarra e do Occidente astur.

Si. Contamos cunhas 30 persoas e vén xente desde Viveiro, Cervo, Foz, Vilaronte,Barreiros, San Miguel de Reinante, Lugo, Ribadeo, Vegadeo e tamén de Rinlo. Hai persoas de 40 anos e outras que teñen 80, con diferentes niveis culturais e oficios variados. Hai ex profesores de instituto, unha percebeira, unha enfermeira, unha agricultora, o dono dunha funeraria, unha costureira.

CORO ABERTO

Está aberta a participación a quen queira entrar?

Está aberto a calquera persoa de calquera idade á que lle guste o canto e que sexa o suficientemente paciente e respectuosa para pertencer a un colectivo que ama cantar en xuntanza. O noso arranxista, Pierre, está moi pendiente da capacidade que ten o individuo cara a música e arranxa as voces segundo as súas habilidades. O coro baséase na xestualidade e expresión natural dos integrantes do grupo, poñemos en valor a diferenza como parte da súa forza. A enerxía que produce ten máis que ver co rock que coa polifónica de vila.

REPERTORIO

O repertorio do coro é variado, pero de temática mariñeira.

Cantamos desde ‘Llévame hasta el mar‘ do falecido Manolo Tena ata ‘Serpientes de mar‘ de Silvio Rodríguez. Tamén unha peza dos Beach Boys, a canción cantábrica ‘Chalaneiro’, unha versión galega de ‘Viento del norte‘, de Nando Agüeros, que cantou esta mesma interpretación no ‘Luar’, ‘Alfonsina y el mar‘…

Como activista da música, como ve a súa saúde na Mariña?

En todas as terras do mundo hai unha música popular que identifica o territorio. Aquí, a música tradicional de pandeireta ou gaita non foi raíña. Pero si hai interesante pouso de repertorio de ida e volta americano, de música portuaria, ao ser zona de transición tamén ese feedback coa tonada asturiana adaptada ao modo galego, composición de autores descoñecidos, música dos bailes, rondallas… Hoxe cos medios de comunicación de masas, todo vén dado e pagado e hai que saber buscar apara atopar de improviso a naturalidade da música. Creo que se abandona o rural. Faltan proxectos enraizados no rural enfocados no ben común, que creen comunidade e habiliten espazos de xuntanza.

O 29 de novembro, outro XOVES MUSICAL

Seguimos coas actividades deste Outono Cultural.

E despois da actuación das mulleres de Batuko Tabanka agora toca anotar outra data na axenda: xoves 29 de novembro. O Coro da Mariña, dirixido por Pierrot Rougier e Ugia Pedreira, no Teatro Pastor Díaz, ás 20:30 horas.

Grazas Batuko Tabanka !

A batucar !

"O ritmo das “batukadeiras”, ten un pasado ligado á música tradicional que facían os escravos en Cabo Verde. Antes batendo no peito, e agora batendo nunha saca de coiro colocada entre as pernas que recibe o nome de “batuko”.

A integración destes ritmos africanos coa música galega fusiónanse dunha maneira natural, xa que sorprendentemente descubrimos que os seus ritmos ternarios eran moi parecidos aos da xotas galegas, 

e as cancións lembraban ás que cantan as pandeireteiras galegas no tocante a que existe unha “sacadora” á que se lle suma o resto de compañeiras repetindo a mesma frase..."

Voltan os xoves musicais